Müsəlmanlar əleyhinə təbliğat cəmiyyəti zəhərləyir

İngiltərə Parlameninin Lordlar Palatasının üzvü Barones Saida Varsi İngiltərə mətbuatını tənqid edib.

İQNA-nın (Beynəlxalq Quran Xəbər Agentliyi) verdiyi xəbərə görə, İngiltərə Parlameninin Lordlar Palatasının üzvü Barones Saida Varsi İngiltərə mətbuatını tənqid edib. 

O, mətbuatda müsəlmanlar əleyhinə yazılan xəbərlərin cəmiyyəti zəhərlədiyini deyib. O, son zamanlar müsəlmanlara qarşı nifrət zəminində cinayətlərin artdığını vurğulayıb: "Vəziyyət 2011-ci ildən daha pisdir. Artıq hər gün İslamafobiya nümunələrini mətbuatda görə bilərik. Bu səbəbdən İngiltərədə müsəlmanlar həyatlarını qorxu içində keçirirlər".

Saida Varsi hicablı qadınların da təzyiqlə üzləşdiyini söyləyib. O, baş nazir Tereza Mey və müxalifət lideri Ceremi Korbinə çağırış edərək müsəlmanların İngiltərəyə göstərdiyu faydalar haqqında çıxış etməsini istəyib.

 

Qeyd edək ki, İngiltərədə 3 milyona yaxın müsəlman yaşayır.