ایمریٹس کی دستاویزی فلم اور قرآن مجید کے مخطوطات کے تحفظ کی تاریخ + ویڈیو
ایکنا نے الخلیج کے حوالے سے نقل کیا ہے کہ شارجہ قرآن کریم اسمبلی نے "الاوصیاء علی الرسالہ" (رسالت کے محافظ) کے نام سے ایک مختصر فلم تیار کی ہے اور اس میں پوری تاریخ میں قرآن کے نسخوں کو محفوظ کرنے کا عمل دکھایا گیا ہے۔
اس فلم میں رسول اللہ صلی اللہ علیہ وآلہ وسلم کی حیات طیبہ سے لے کر کلمات وحی کو محفوظ رکھنے کے طریقہ کار اور قرآن مجید کو لکھنے میں صحابہ کرام کی کوششوں اور اس کے بعد موجودہ دور تک پوری تاریخ کو زیر بحث لایا گیا ہے۔
مذکورہ فلم میں سینکڑوں سال پہلے کے شاندار اور نایاب مخطوطات کو محفوظ کرنے میں اس اسمبلی کے تاریخی کردار اور مخطوطات کی بحالی کے عمل اور اسمبلی کی ویب سائٹ پر ڈیجیٹل آرکائیو کے کام کو بیان کیا گیا ہے۔
الاوصیاء علی الرسالہ فلم کو شارجہ میں قرآن اسمبلی کی عمارت کے ساتھ ساتھ امارات شارجہ کے کئی تاریخی مقامات پر فلمایا گیا۔
آپ نیچے دی گئی ویڈیو میں اس دستاویزی فلم کے کچھ حصے دیکھ سکتے ہیں۔
