İQNA-nın (Beynəlxalq Quran
Xəbər Agentliyi) Ali Dini Elmi Hövzələr üzrə müxbirinin verdiyi xəbərə görə, Ayətullah
Üzma Məkarim Şirazi həzrətləri bu ilin mübarək Ramazan ayı bayramı üçün FİTRƏ
zəkatı və Oruc tuta bilməyənlərin kəffarəsinin miqdarı barədə açıqlama verib.
Ayətullah Üzma Məkarim
Şirazi həzrətlərinin fətvasına görə, İran əhalisinin gündəlik əsas qidasının
buğda olduğu və buğdanın müxtəlif şəhərlərdəki qiymət dəyişikliyinə görə, bu
ilin Fitrə zəkatının miqdarı hər nəfər üçün 3 kq. buğda hesablanaraq aşağıdakı
kimi olmalıdır:
Tehran əhalisi: 7 min tümən
= 3.5 manat (təqribən).
Digər rayon və şəhərlər
üçün: 6 min tümən = 2.5 manat (təqribən).
Hər nəfər üçün 3 kq. düyü hesabı
ilə: 15 min tümən = 4 manat (təqribən).
Üzürlü səbəbdən Oruc tuta
bilməyənlərin KƏFFARƏ miqdarı:
Hər gün üçün 2 min tümən = 0.80
manat (təqribən) – gündəlik qida (çörək, un) şəkilində fəqirlərə
çatdırılmalıdır.
Qəsdən və üzürsüz səbəbdən
orucunu pozanların kəffarəsi: Hər gün üçün 120 min tümən = 50 manat (təqribən)
Ayətullah Üzma Məkarim Şirazinin "Şəriət Məsələləri" kitabının 1492-ci məsələsinə görə, Fitrə vermək bayram gecəsi büluğ həddinə çatmış bütün müsəlmanlara vacibdir. Həmçinin Fitr gecəsi gün batmazdan öncə və təkcə bir gecəlik gəlmiş qonağın fitrəsi öz öhdəsinədir və evsahibi verməli deyil.
Qeyd edək ki, Ayətullah Məkarimin bu açıqlamasına əsasən hər bir şəhər və rayon əhalisi Fitrənin qiymətini öz yelərinin əsas qidasının qiyməti ilə hesablamalıdırlar. Buna görə də Bakı kimi böyük şəhərlər ilə rayonlarda verilən Fitrə zəkatının məbləği fərqli ola bilər.